Á eldri vef félagsins var haldin dagbók. Hún er birt hér til upplýsinga og varðveislu í heild sinni. Afrit af gamla vefnum má vinna hér.
Vefurinn, www.speleo.is, er í endurhönnun og mun ný útgáfa taka við á næstu dögum.@ 24.02.2004
Almennur félagsfundur var haldinn mánudagskvöldið 23. febrúar eða fjórða mánudagskvöld mánaðarins í húsi Ferðafélags Íslands í Mörkinni eins og venjulega. Nýr félagi bættist í hópinn, úr ferðaþjónustunni og var honum vel fagnað. Annars var ágætlega mætt og líflegar umræður um hella og útgáfumál og samskipti ýmiskonar. Nokkuð var rætt um að bæta aðgengi fyrir ferðafólk í Raufarhólshelli og einnig voru skoðaðar og samþykktar tillögur að skiltum við hellinn. Verða þau unnin í Þorlákshöfn og sett upp á næstunni. Sérstök áhersla verður lögð á hættuna sem í því felst að fara í hellinn og brýnt verður fyrir fólki að vera vel búið og með góð ljós.
Stjórn Hellarannsóknafélags Íslands hefur úrskurðað varðandi nafngift á helli þeim í Hallmundarhrauni sem enginn hefur komið í … hellinum sem liggur upp frá Stefánshelli og mældur hefur verið af Chris Wood og félögum. Mörg nöfn hafa verið notuð, meðal annars hér á vefnum en nú hefur stjórn félagsins tekið af skarið og hellir þessi heitir Hulduhellir. Mannanöfn eru á nokkrum hellanna í Hallmundarhrauni, svo sem Surtshellir, Stefánshellir, Hallmundarhellir og Kalmanshellir og vísar nafnið að nokkru í þessa hefð sem og þá staðreynd að enn er allt á huldu um helli þennan.
Bráðabirgða niðurstöður á þakþykkt Hulduhellis @ 23.09.2003
Mánudaginn 22. september kom Chris Wood til landsins við fjórða mann til að mæla þakþykkt Hulduhellis í Hallmundarhrauni. Að morgni þriðjudagsins 23. september mættu á bílastæðið við Stefánshelli Bretarnir fjórir auk Friðriku frá Línuhönnun með jarðsjá fyrirtækisins og þeir Birnirnir Hróarsson og Símonarson frá HRFÍ. Síðar um daginn kom Árni B. Stefánsson frá HRFÍ í heimsókn. Snjókoma var um morguninn og töluverður snjór sem auðveldaði mælingar þar sem léttara varð að draga jarðsjána. Fyrstu niðurstöður sem raunar eru aðeins bráðabirgða niðurstöður þar sem nákvæm úrvinnsla gagnanna fer ekki fram fyrr en síðar. Góðu fréttirnar eru að hellirinn sást mjög greinilega með jarðsjánni en vondu fréttirnar að hann liggur mjög djúpt í hrauninu. Við veginn er þakþykkt hellisins um 16 metrar, nokkru ofar í hrauninu var þakþykktin komin niður í 8 metra, næsta snið þar ofan við gaf þakþykkt uppá um 10 metra, síðan var þakþykktin 12 og 14 metrar og efstu sniðin sem mæld voru bentu til þess að þar væri þakþykktin 16 metrar á ný. Því er ljóst að erfitt og dýrt verður að freista inngöngu. Kortlagningu hellisins með segulmælingum er ekki lokið og engan endi á hellinum að finna þar sem þeirri kortlagningu lauk. Vonandi verður haldið áfram með þá kortlagningu og þar verður þakþykktin vonandi minni svo innganga verði auðveldari. Einnig er haftið milli Stefánshellis og Hulduhellis aðeins rétt rúmir 20 metrar að lengd og e.t.v. auðveldast að gera göng úr Stefánshelli inn í Hulduhelli. Rúmlega 20 metra jarðgöng ættu ekki að vefjast fyrir þjóð sem borar nú göng kílómetrunum saman. [Með því að smella hér sjást ljósmyndir úr ferðinni.]
Ljósmyndir úr hulduhellum @ 23.09.2003
Nú er sumarið brátt á enda eins og hellamenn fengu að kynnast í Hallmundarhrauni í gær. Með því að smella hér má sjá nokkrar myndir af fegurð undirheimanna.
Kalmanshellir heimsóttur á tíu ára kortlagningarafmæli @ 17.07.2003
Laugardaginn 26. júlí var Kalmanshellir heimsóttur á ný eftir tíu ár en nú eru tíu ár síðan hann var kortlagður. Er sú kortlagning eitt af stóru afrekunum í íslenskum hellarannsóknum. Lagt var upp frá Kalmanstungu klukkan átta, 14 leiðangsursmenn á tveim bifreiðum. Frá HRFÍ voru þeir Björn Hróarsson, Björn Símonarson og Guðmundur Brynjar Þorsteinsson. Mikið var í jökulám og sóttist ferðist því seint, níu voru í löngum Landróver sem víða átti í erfiðleikum og oft þurfti að draga hann upp. Ferðin að hellinum tók sjö klukkustundir. Í um fjórar klukkustundir var hellirinn kannaður og myndaður. Hann er stórbrotin náttúrusmíð og á kafla einn allra fegursti hellir landsins. Heimferðin gekk vel, þótt draga þyrfti Landróverinn upp úr nokkrum blautum kviksyndum. Eiga hellafararnir 14 stórkostlegar minningar úr ferðinni sem var hið mesta ævintýr frá upphafi til enda.
Hulduhellir @ 17.07.2003
Föstudaginn 25. júlí létu Bretarnir 19 af rannsóknum sínum á Hulduhelli í Hallmundarhauni. Enginn endir hefur þó fundist á hellinum og heldur hann greinilega eitthvað áfram upp í hraunið. Heildarvegalengd hans er nú rúmur kílómetri en vera má að hann lokist á einum stað, um það fæst ekki vitnesja fyrr en brotist verður inn í hellinn.
Hulduhellir lengist. @ 17.07.2003
Dr. Chris Wood prófessor sagði í samtali við speleo.is í gærkvöldi að “kortlagning” Hulduhellis gengi vel og hann lengdist og lengdist. Helstu tíðindin er þau að hellinn liggur ekki þangað sem doktorinn reiknaði með. Góðu fréttirnar eru að enn sér ekki fyrir endann á hellinum. Þar með er hellakerfið Surtshellir-Stefánshellir-Hulduhellir orðinn lengsti hraunhellir landsins, lengri en Kalmanshellir sem er rúmir fjórir kílómetrar að lengd. Chris og félagar stefna á för með HRFÍ í Kalmanshelli þann 26. júlí.
Kortlagningarferð í G-2, 9. og 10. júlí. @ 14.07.2003
Miðvikudaginn 14. júlí var hellirinn G-2 í Kjalhrauni kortlagður af félögum í Hellarannsóknafélagi Íslands og Dr. Chris Wood prófessor og stúdentum hans við University of Bournemouth í Bretlandi. Aðalheiður Steindórsdóttir, Björn Hróarsson, Björn Símonarson, Guðmundur Brynjar Þorsteinsson, Jakob Þór Guðbjartsson og Sigurður Sveinn Jónsson tóku þátt í þessu ævintýri fyrir hönd Hellarannsóknafélags Íslands. Mættu menn á staðinn á þriðjudagskvöld og var miðvikudagurinn tekinn snemmma. Litið var við í Grettishelli á leiðinni í G-2. Kortlagning gekk vel og mun Chris Wood fullgera kortið með haustinu. Í fljótu bragði virðist sem kortið frá 1972 sé ekki jafn langt frá veruleikanum eins og menn höfðu haldið. Jakob Þór og Sigurður Sveinn héldu heim á miðvikudagskvöld en hinir gistu Hveravelli enda hafði stefnan verið tekin í hellana upp við dyngjuhvirfilinn á fimmtudeginum. Veður gaf hins vegar ekki og því varð ekkert af frekari hellarannsóknum. Chris Wood og þeir 17 stúdentar sem honum fylgja héldu svo á föstudag upp í Hallmundarhraun þar sem hópurinn mun vinna að frekari rannsóknum á Hulduhelli næstu vikurnar.
Sýslusteinsvegur fullkannaður @ 22.06.2003
Fór í dag veginn upp frá Sýslusteini (6351617-2154994) (84 m y.s.) og kannaði hann á enda. Vegurinn hefur verið lagður vegna girðingar sem á honum hefur verið en hún liggur nú niðri víðast hvar. Ýtuslóð liggur yfir hraunið en vegurinn liggur einnig yfir nokkra óbrinnishólma. Að endingu fjarar vegurinn smátt og smátt út og 3,55 km frá Sýslusteini er slóðin orðin mjög illgreinileg. GPS hnit fyrir vegenda er 6353467-2156124 (342 m y.s.) Hægt er að skrölta þaðan áfram í átt að Eldborg í Brennisteinsfjöllum en þá væri allt að því um vegarlagningu að ræða. Girðingin heldur áfram og meðfram henni hefur verið ekið, en þó sennilega lítt eða ekki frá því hún var lögð. Frá vegarenda blasir við Kleifarvatn og Gullbringa og einnig Eldborg í Brennisteinsfjöllum og gangan þangað frá vegarenda aðeins fáeinir kílómetrar og lítt á fótinn. Við vegarendann mætti hafa tjaldbúðir meðan hellar við Eldborg og Kistu væru kannaðir. B.Hró.
Slóðaketill fullkannaður @ 21.06.2003
Ég skrapp að kanna Slóðaketil ásamt strákunum mínum í kvöld (20. júní). Við fórum meðal annars ofan í hinn ókannaða afkima sem reyndist enda skömmu innar í þrengingu. Annars voru tvö niðurföll í hellinn og skemmtilegir þröngir gangar (tveir) þar á milli. Geir.
Ellefta alþjóðlega hraunhellaráðstefnan @ 13.06.2003
Ellefta alþjóðlega hraunhellaráðstefnan (XIth International Symposium on Volcanospeleology) verður haldin á Asoreyjum dagana 12. til 17. maí 2004. Nánari upplýsingar má finna á þessari vefsíðu. [Kynningarbréf á ensku umráðstefnuna.]
FERLIR-549: Leitað að Lýðveldishelli. @ 19.05.2003
Ætlunin var að finna Lýðveldishelli þann er Þröstur Jónsson lýsir í Surti og á að vera austan við Eldborg í Brennisteinsfjöllum. Dagurinn var 17. maí. [Greinin í heild]
FERLIR-562: Krísuvíkurhellir. @ 13.04.2003
Krísuvíkurhellir var skoðaður beggja vegna, en nú er ljóst að hærgi hlutinn heldur áfram niður á við. Í endanum er op, en gróft hraun allt í kring. Opið liggur þarna niður á við og eitthvert áfram. Ókannað. Í hægri hellinum eru separ í loftum og fallegur, grófur, brúnleitur hraunfoss. Svo virðist sem þar séu síðustu leifar hraunsstraumsins, sem rann um rásina. Farið var í jarðfallið ofan við hellinn og opnað þar inn úr. Ákveðið var að segja ekkert meira um þennan hluta að svo komnu máli. Þá var haldið í Arngrímshelli og hann vandlega skoðaður. Ákveðið var að fara niður um efsta hluta Bálkahellis og síðan áfram niður í neðsta hlutann.
Þorsteinshellir (6404272-2141473) – Dimmir (6404351-2141388). @ 10.04.2003
FERLIR-561: Þorsteinshellir (6404272-2141473) – Dimmir (6404351-2141388). Lýsing á Þorsteinshelli og Dimmu (Dimmi) var sú að hellarnir ættu að vera norðaustan við Hólmsborgina (Sauðaborgina) í Hrossabeinahæð sunnan Hólmshlíðar og austan Gráhryggjar. Þeir, sem einhvern tíma hafa komið á svæði, vita að þar er eitt hraunhaf svo langt sem augað eygir. Þegar búið var að leita af sér allan grun á Hrossabeinshæðum var haldið inn á Gráhrygg. Eftir stutta leit fannst Þorsteinshellir og síðan Dimmir í kjölfarið. Við skoðunina fannst einnig annar hellir, sem bíður betri tíma. Hlaðið er við op Þorsteinshellis. Þrep er niður og síðan tekur við heil hraunrás, u.þ.b. 8-10 metra löng. Hellirinn hefur greinilega verið notaður sem skjól fyrir þann eða þá, sem setið hafa yfir ánum. Skammt norðan við Þorsteinshellir fannst opið á Dimmi. Hellirinn er u.þ.b. 30 metra langur, heil hraunrás, en tiltölulega lág.
Munni Þorsteinshellis.
Í Þorsteinshelli.
Munni Dimmis.
Brugghellir – Eskihóll – Jónsvarða. @ 10.04.2003
Ferlir-564: Skoðað verður niður í Brugghellinn í Hvassahrauni og síðan gengið upp Flatahraun að Eskihól skammt ofan við línuveginn. Þar skammt frá á að vera varða, Jónsvarða. Klukkustundargangur í fallegu umhverfi og góðu veðri.
Niðurfall Brugghellis.
Hraundrýli í Hvassahrauni.
Snorri heimsóttur á ný. @ 7.04.2003
Laugardaginn 5. apríl hélt hópur FERLIRs og HRFÍ félaga í Snorra. Tilgangur ferðarinnar var að skoða djásnið og kortleggja, en helgina áður hafði Björn Hróarsson orðið fyrstur til að skoða hellinn. Það sem gerir Snorra mjög sérstakan er kjallari sem liggur neðan við meginrásin, en frá kjallaranum þarf um 6-7 m stiga til að komast upp í göng sem liggja upp í aðalrásina. Það dylst engum sem komið hefur í kjallarann og horft upp þá nær tíu metra sem þarf til að komast upp í meginrásina að þar hefur verið mjög tignarlegur hraunfoss þegar hraun flæddi um rásina. Samkvæmt kortlagningu er mjög líklegt að yfirborðsrásin hafi á einhverjum tímapunkti tengst meginrás hellisins (sjá myndir). Hellirinn er nokkuð heillegur og aðeins eru nokkur meiriháttar hrun. Hellirinn lokast með hruni, og var reynt án árangurs að komast fram hjá því. Heildarlengd hellisins gæti verið um 300 metrar en rásin innan við hraunfossinn er um 200 metra löng og meðalþvermál hennar um fjórir metrar. [Hér eru myndir og kort af Snorra.]
Aðalfundur Hellarannsóknafélags Íslands.@ 1.04.2003
Aðalfundur Hellarannsóknafélags Íslands var haldinn mánudagskvöldið 31. mars síðastliðinn. Á annan tug félagsmanna mættu á fundinn. Nýja stjórn skipa: Sigurður Sveinn Jónsson formaður, Jakob Þór Guðbjartsson og Guðmundur Brynjar Þorsteinsson.
Ókannaður afkimi. @ 31.03.2003
Í næsta pistli hér á eftir segir að Slóðaketill sé ekki með meiri hellum og er þar átt hið það sem búið er að kanna af hellinum en hann er ekki fullkannaður. Á þessari mynd sjást göng sem enginn hefur ferið í gegnum. Op þetta er aðgengilegt, hallar aðeins niður, en er nokkuð þröngt á rúmlega meters löngum kafla. Það þarf grannan mann til að komast þarna í gegn og skoða hvað þar er fyrir innan en rás með sléttu gólfi sést þegar lýst er inn fyrir þrenginguna. Í væntanlegri för HRFÍ í Snorra er rétt að hafa einn grannvaxinn með til að fullkonna Slóðaketil.
Slóðaketill og Snorri. @ 31.03.2003
Síðastliðinn laugardag (29. mars) fóru 11 manns, þar af Björn Hróarsson frá Hellarannsóknafélagi Íslands, í hellana Slóðaketil og Snorra á Reykjanesi. Þá var stigi með í för og með hjálp hans var Slóðaketill kannaður til hlítar og reyndist ekki með meiri hellum. Eftir um hálftíma gang frá vegslóðinni var komið að Snorra (í Vogsósum). Við blasti mikið niðurfall, sjá mynd. Frá niðurfallinu liggja leiðir til þriggja átta og er leiðin beint niður sú sem mestu skilar. Innst í þessari kjallarahvelfingu er lítið gat upp í um tíu metra hæð og var ferðin ekki síst farin til að athuga hvort þetta væri eitthvað. Stiginn náði rúmlega hálfa leið og það sem á vantaði klifraði Björn og viti menn … inn af holu leyndist hellir. Nokk stór og langur og flottur … merkasti hellafundur á Reykjanesi á þessari öld.
Á þessari mynd er verið að ganga í átt að Snorra.
Og hér er mynd úr niðurfalli Snorra.
Hildarhellir í Heimaey. @ 24.03.2003
Árið 1993 barst það félögum í Hellarannsóknafélaginu til eyrna að í Stórhöfða á Heimaey væri talsverður hellir sem væri þess virði að skoða. [Greinin í heild.]
Yfir 330 hellar þekktir á Reykjanesi. @ 12.03.2003
Göngugarpurinn Ómari Smári Ármannsson segir í pósti til speleo.is að hann þekki yfir 330 hella og nafngreinda skúta á Reykjanesi. Allar líkur benda til að hellarnir á svæðinu séu hið minnsta tíu sinnum fleiri, en þá ekki lagt mat á hvort til þeirra liggur manngengt op frá yfirborði. Þessa mynd tók Ómar Smári í Maístjörnunni.
Strompahellir, Seljahellir og Purkhellir kortlagðir. @ 11.03.2003
James og Jakob skunduðu á Nesið um helgina og kortlögðu þrjá hella: Strompahelli, Seljahelli og Purkhelli. Þeir telja sig hafa fundið framhald á Purkhelli og kortlögðu það líka. Til að komast í þetta framhald þarf a skríða niður eina 10 m, nánast lóðrétt, um mjög þrönga rás. Þetta framhald er í sama hruni og aðalopið , bara hinu megin, þ.e. nær sjó. Ef einhver hefur komið þarna væri gott að fá vitneskju um það. Strompahellir var einna flottastur af þessum þremur, þá er efsti hluti Seljahellis mjög fallegur þó lítill sé. Í Strompahelli tókum við sýni af hellaslími og grænum kristöllum sem Siggi ætlar að greina. James og Jakob eru búnir að kortleggja um 1,5 km af hraunrásum í Purkhólahrauninu, og er þá ekki talið með það sem áður hafði verið kortlagt í Langa-Þröng. Nánari skýrsla verður gefin á Speleo.is á næstu dögum.
Ráðstefna á Kirkjubæjarklaustri, Landkostir Skáftárhrepps. @ 10.03.2003
Hellarannsóknafélaginu barst beiðni frá skipuleggjendum ráðstefnu um landkosti Skaftárhrepps að kynna rannsóknir á hraunhellum í Skaftáreldahrauni fyrir heimamönnum og gestum ráðstefnunnar. Formaður félagsins flutti erindi sunnudaginn 9. mars og sagði frá rannsóknunum og sýndi myndir og kort. Í spjalli við heimamenn og sveitastjórnarmenn kom fram að ferðaþjónustan á svæðinu er áhugasöm um hellana og áform eru uppi um að greiða leiðina þangað uppeftir. Það sem menn hafa helst í huga er að fara vestan megin við Miklafell og gera bílastæði á melunum rétt við Laufbalavatnið. Heimamenn álíta að það sé mun greiðari leið vestan megin en eins og menn þekkja er slóðin sem liggur austan við Miklafell vart fær öðrum ern gangandi mönnum. Hugmyndir eru síðan um að skipuleggja skoðunarferðir í Iðrafossa og ef til vill í Rauðsteinshelli. Þegar talið barst að því hvort hellarnir væru útsettir fyrir skemmdum með því að fara með ferðamenn þangað þá var því svarað að hellarnir sjálfir eru ekki í hættu að því gefnu að gengið verði vel um þá en mosinn á hrauninu og yfirborð þess er í mun meiri hættu og þarf að fara varlega af stað.
Hellaferð laugardaginn 8. mars. @ 09.03.2003
Guðmundur Brynjar Þorsteinsson og Björn Hróarsson voru fulltúrar HRFÍ í fjöllmennri ferð FeRLi’s manna á laugardaginn. Þrátt fyrir mikinn grjótburð og þó nokkurt hellaskrið fannst ekki munninn á Breiðbáshelli. Fjörugrjót er fyrir munnanum og mikið af því … nær eina leiðin til að finna munnann er að fá jarðýtu til að ýta fjörukambinum frá. Sagt er að Breiðbáshellir nái alla leið upp í Mosaskarð en þar er brattur hellir sem þeir Guðmunur Brynjar og Björn heimsóttu á laugardaginn en tengingin milli þessara tveggja hella bíður betri tíma.
Breiðbáshellir. @ 07.03.2003
Ferlir og Þorkell Kristmundsson frá Stakkavík, sem verður áttræður á hausti komanda, hafa staðsett opið á Breiðabáshelli af nákvæmni. Ómar Smári Ármannsson segir nú frá: “Við voru ekki nógu heitir á sínum tíma. Opið er undir kampinum, en tiltölulega auðvelt ætti að vera að forfæra fjörugrjótið og komast opinu. Við gerðum prufu og komust þá niður undir hraunið, en sennilega ekki í stóra opið. Svæðið, sem kanna þarf, er um þrír metrar. Opið á að snúa að sjónum og vera axlarhátt. Inni er “herbergi” og inn úr því þröng rás, sem opnast síðan aftur í víða rás. Viðmælandi okkar (Þorkell Kristmundsson) hafði aldrei farið inn í hana því hann “var aldrei hrifinn af hellum”. Villikettir áttu það til að vera í þeim og gátu ráðist á fólk.”
Hellarannsóknafélag Íslands ályktar um Suðurstrandarveg. @ 26.02.2003
Á almennum félagsfundi í Hellarannsóknafélagi Íslands þann 24. febrúar síðastliðin var eftirfarandi ályktun varðandi Suðurstrandarveg samþykkt samhljóða:
Mjög takmarkaðar rannsóknir hafa farið fram á hraunhellum, hraunrásum eða opnum gígum á svæðinu. Vitað er að hellar sem lítt eða ekki hafa verið kannaðir eru í eða við fyrirhugaða veglínu. Jafnfram má ætla með gildum rökum að fjölmargir óþekktir hellar og hraunrásir séu í eða við veglínuna.
Nær allt svæðið þarf að skoða gaumgæfilega þar sem veglínan er á tiltölulega ungum nútímahraunum og sumum hverjum frá sögulegum tíma.
Hellarannsóknafélag Íslands leggur til að vegstæðið og næsta nágrenni verði skoðað og rannsakað með tilliti til hraunhella og til verksins fengnir bærir sérfræðingar.
Þangað til að þeim þætti verksins lýkur leggur félagið til að verkinu verði seinkað eða frestað.
Undirheimar Reykjaness @ 21.02.2003
Ómar Smári Ármannsson endi HRFÍ þessa mynd af undirheimum Reykjaness svona rétt til að minna á hvað leynist undir yfirborðinu.
Formaður í spjalli á Rás eitt – @ 21.02.2003
Formaður HRFí ræddi nýlega um Hellarannsóknafélagið, starfsemi þess og helstu afrek á Rás eitt. Talið barst að verndun hella og nefndi formaðurinn að mörgum félagsmönnum fyndist miður að enn væri það iðkað að stefna jarðýtum og stórvirkum vélum á hraun þar sem hellar væru í jörðu. Var Suðurstrandarvegur tekinn sem dæmi og á það bent að í vegstæði hans væru margir merkilegir hraunhellar. Þrátt fyrir eftirgrennslan í vel skipulögðum skjalasöfnum félagsins hefur ekki fundist tangur né tetur af matsskýrslunni frá Línuhönnun þar sem tekið er fram að hafi verið send félaginu. Búið er að kanna hvort einhverjir fuglar séu á svæðinu og ganga allar veglínur og skrá og mynda fornminjar og aðra merka staði. En enginn hellafræðingur hefur verið fenginn til að kanna hraunin þrátt fyrir að fyrirhugaðar veglínur séu að stærstum hluta á nútímahraunum. Athuganir á jarðfræði í grennd við veglínur lutu mest megnis að því að finna hentuga staði til efnistöku eftir því sem ráða má af matsskýrslunni.
Hellarannsóknafélagið hefur engan áhuga að því að vera í hlutverki höfuðandstæðings þessarar framkvæmdar og er reiðubúið að vinna með aðilum málsins og leggja sitt af mörkum til að finna farsæla lausn. Við gerum það að tillögu okkar að hraunin verði látin í friði og gamli vegurinn verði byggður upp en þó án þess að eyðileggja hella, bæði þekkta og óþekkta, sem liggja við og undir veginn. Heyrst hefur að Vegagerðin muni óska eftir fundi með Hellarannsóknafélaginu á næstu dögum.
Hvalur (6354586-2225899) – Skjóli (6354306-2225904) – Kubbur (6354148-2226298) – Naddi (6354178-2226152) – Dollan – Hnappur (6354535-222456180) – Hestshellir (6354721-2225110) – @ 17.02.2003
FERLIR-532 var genginn s.l. laugardag. Eftir svolitla leit fannst opið á Hvalnum. Komið er niður í hvalsginið, farið inn fyrir þrengingu og þar er opinn flór í gólfinu. Farið er ofan í flórinn og hellirinn var eltur u.þ.b. 30 metra. Fallegasti hlutinn er um og í kringum flórinn og síðan inn undir hann. Alls er hellirinn um 50 metrar. Hlaðin var lítið varða vestan við opið.
Þá var haldið til suðurs að Kubbnum. Hann er í enda hraunrásarinnar miklu er liggur til vestur frá Arnarsetri á Gíghæð. Hægt er að fara inn í hann í hraunrásinni, en þá þarf að hoppa niður í kjallara þegar inn kemur. Ef hins vegar farið er inn skammt vestan við stórt jarðfall vestan við opið í rásinni, er fljótlega komið inn í heillegan helli. Gólfið er slétt og bæði hátt til lofts og vítt til veggja á kafla. Alls er neðri rásin um 60 metra löng.
Á leiðinni upp með norðanverðum gjárbarminum var bent á op Nadda, en inngangur í hann er hola ofan í jörðina. Hellirinn er um 30 metra langur. Einnig var skyggnst niður í Dolluna, en hún er örskammt vestan við Grindavíkurveginn á Gíghæð. Gengið var norður með girðingunni og komið við í Dátahelli og síðan áfram með henni til norðurs uns komið var í Hestshelli. Fallegar hleðslur eru fyrir opinu. Hellirinn er hæstur og víðastur fremst, en lækkar og þrengist eftir því sem innar dregur. Þar greinist hann í tvær þröngar rásir og er hellirinn lengstur um 160 metrar.
Suðurstrandarvegur á Reykjanesi – @ 14.02.2003
Ríkisstjórn Íslands hefur ákveðið að setja kr. 500 milljónir í Suðurstrandaveg á Reykjanesi. Undir og við vegstæðið eru þekktir nokkrir tugir stórmerkilegra hraunhella og fullyrða má að nokkur hundruð merkilegrar hraunhella séu þar ófundnir. Á og við vegstæðið hafa nær engar hellarannsóknir farið fram og engar að því er virðist á vegum framkvæmdaaðilanna né heldur á vegum þeirra sem vinna að skýrslu um umhverfismati fyrir þessa miklu framkvæmt. Hér má nálgast skýrsluna um umhverfisfat á pdf formati. Hvað ætla hellamenn að gera þeim hellum til varnar sem þarna munu skemmast og eyðileggjast? Svo gæti farið að þarna verði unnin mestu hellanáttúruspjöll í sögu íslensku þjóðarinnar.
Þorrablót landsmanna standa nú sem hæst – @ 10.02.2003
Þorrablót landsmanna standa nú sem hæst. Gönguhópurinn FERLIR hélst sitt Þorrablót núna um helgina og í helli auðvitað … Þorrablótshelli á Reykjanesi. Á þessari mynd sjást nokkrir gesta Blótsins í hellinum. Á þessari mynd eru sviðakjammarnir í höndum Vogadeildar Hellarannsóknafélagsins og á þessari mynd sést hvar leppalúði mætti til blótsins. Hér með auglýsir vefstjóri til stórnar Hellarannsóknafélags Íslands eftir þorrablóti HRFÍ … hvort sem það verður haldið ofan jarðar eða neðan. Þessi mynd hér var hins vegar tekin í Lofthelli … en þar hafa ekki verið haldin Þorrablót.
Meira um ráðstefnuna á Asoreyjum 2004 – @ 07.02.2003
Ég fékk póst frá J.Carlos Nunes prófessor í eldfjallafræði við háskólann á Asoreyjum og nýjustu fréttir eru þær að skipuleggjendurnir ætla að halda fyrsta fumd undirbúningnefndarinnar í apríl næstkomandi. Þeir eru búnir að vinna heilmikið í þessu hinga til og fengið mörg fyrirtæki og opinbera aðila til að styrkja ráðstefnuna. Þeir hafa tekið eina stefnumarkandi ákvörðun sem felst í því að ráðstefnan verður haldin í maí 2004 en ekki í september eins og til stóð og ástæðuna segja þeir vera kröfu stuðningsaðila.
Þeir staðir sem heimsóttir verða eru Pico, Faial (Capelinhos), Terceira, S. Miguel og eyjan Graciosa.
Vitað er að öllum verður séð fyrir hádegismat og 2-3 kvöldverðir verða í boði ráðstefnunnar. Og gnótt drykkjarfanga verður í boði, eða eins og JCarlos Nunes segir sjálfur, … of course: we are latins, remember?).
Efnt verður til sérstakrar dagskrár fyrir þá sem koma með en taka ekki fullan þátt í ráðstefnunni.
Ráðstefnan mun taka um 10 daga með komu og brottfarardegi.
Meiri upplýsingar væntanlegar og vefsíða er í smíðum og er gert ráð fyrir því að hún verði komin í gagnið í apríl á þessu ári.
Því er einnig haldið fram að hótel, fæði og upphald, bílaleigubílar og hvað eina sé á allt öðru verði en við eigum að venjast.
Eftir ráðstefnuna – @ 06.02.2003
Ýmsir þankar leita á menn eftir alþjóðlegu hellaráðstefnuna sem haldin var hér á landi í september síðastliðnum. Menn eru almennt á einu máli um að hún hafi í alla staði tekist vel og eru ummæli erlendra þátttakenda einnig á þá lund. Þeir hrósa Hellarannsóknafélaginu fyrir að hafa staðið vel og vandlega að skipulagningu ráðstefnunnar og eru mjög ánægðir og sáttir. Það helsta sem skyggir á er að þátttakan hefði mátt veri meiri en úr rættist á síðustu stundu og margir íslenskir hellamenn sáu sér fært að reka hausinn inn í lengri eða skemmri tíma. [Greinin í heild]
FERLIR-529 var genginn laugardaginn 1. febrúar @ 3.02.2003
Heimsóttir voru hellar þeir sem kallaðir hafa verið Maríuhellar á síðari árum. Urriðakot átti um aldir fjárskjól í hellunum sem oft voru einungis nefndir Fjárhellar. Syðsti hellirinn heyrði til Urriðakoti og var nefndur Urriðakotshellir (6404299-2153543) en hinn Vífilsstöðum og var því nefndur Vífilsstaðahellir (6404314-2153477). Auk þeirra var talað um þriðja hellinn, Draugahelli (6404312-2153612), en hann átti að vera þröngur niðurgöngu og ósléttur. Nyrsti hellirinn er í stóru jarðfalli. Í norður úr því er stórt op og þar fyrir innan um 30 m langur. Mold er á gólfi. Hellirinn hefur greinilega verið notaður sem fjárhellir. Líklegast er þarna um Vífilsstaðahelli að ræða. Sunnan af honum er enn stærra og mun grónara jarðfall. Frá því liggur rúmgóður hellir til vesturs. Hægt er að ganga í gegnum þann hluta. Þessi hellir hefur greinilega verið notaður sem fjárhellir. Grýlukerti hanga niður úr loftinu í hundraðatali og gefa þau hellinum dulúðlegt yfirbragð. Í austanverðu jarðfallinu er einnig víður hellir. Inni í hvelfingunni er op á loftinu. Þarna er líklegast um Urriðakotshelli (6404299-2153543) að ræða. Skammt vestan við vestara opið á hellinum sem hægt er að ganga í gegnum, er hraunsprunga. Niður um hana liggur op. Þegar niður er komið tekur við rúmgóður hellir. Liggur hann um 50 metra niður hraunið. Á leiðinni er gat til hægri og innan þess nokkuð rúmgóður hellir. Ekki er óvarlegt að álykta að þarna sé um svonefndan Draugahelli (6404312-2153612) að ræða. Áður fyrr voru engir vegir á þessu svæði og fullorðnir ekki viljað að börn væru að fara ofan í þennan helli því með slæm ljós gæti verið erfitt að finna leiðina út þar sem gatið er bæði lítið og liggur upp á við. Af því tilefni hafi verið búin til sagan af veru draugs í hellinum til að fæla fólk frá. Frá hellunum var gengið norðvestur eftir Moldargötum að Jónshellum (6404494-2153964). Þeir eru undir klettavegg er snýr að Vífilsstöðum. Mikið kjarr og hár trjágróður er allt um kring. Jónshellar eru þrír skútar. Einn er sýnum stærstur og einn hefur greinilega verið notaður sem fjárskjól. Hleðsla er fremst í skútanum, en fyrir innan er slétt moldargólf. Þessi skúti gæti auðveldlega hýst 40-50 rollur.
Vefur John Pint með íslenskum hellamyndum @ 31.01.2003
John Pint stýrir hellarannsóknum í Sádi-Arabíu og sótti okkur heim á alþjóðlegu hellaráðstefnuna. Á vefsíðu hans er að finna ýmsan fróðleik um hella í Sádi-Arabíu og umfjöllun um Íslandsferð hans í máli og myndum.
Bjargarhellir, Strandarhellir og Rauðshellir – nýir uppdrættir @ 31.01.2003
Ómar Smári Ármannsson hefur gert uppdrætti af Bjargarhelli, Strandarhelli og Rauðshelli. Þá bendir Ómari Smári hellamönnum á að á áhugavert væri að skoða norðausturrásir Strandarhellirs við tækifæri. Best væri að fara eftir að frost hefur verið í nokkra daga. Þá væri hægt að skríða inn eftir þeim án þess að vera haugskítugir. Þá þarf fljótlega að fara í Snorra með stiga og skoða upp í rásina (1,5 m á hæð) í fjögurra metra hæð í veggnum. Næg eru ævintýrin í undirdjúpunum og þar margur ókannaður afkiminn.
Lok, lok og læs … og allt í drullu @ 30.01.2003
Kjallara Bjargarhellis í Selvogi hefur verið lokað til bráðabirgða. Grjót sem lokaði leiðinni niður í kjallarann var fjarlægt þann 1. desember síðastliðinn af sex félögum í Hellarannsóknafélagi Íslands og leiðin í hellinn þar með opnuð. Vart reyndist í mannlegu valdi að ná björgunum upp úr gatinu og eftir mikið puð með járnkarla og kúbein að vopni var náð í bifreið til að draga stærstu björgin upp úr gatinu. Gjótan dýpkaði smátt og smátt og að endingu komust menn í gegn. Kjallarinn er hvorki mjög langur né mjög stór … nokkrir tugir metra á lengd og víðast lágt til lofts. Töluvert er af skrauti í hellinum, rósir, dropsteinar og hraunstrá. Þar sem um ósnortinn og viðkæman helli er að ræða hefur honum nú verið lokað og gjótan sem grafin var 1. desember er nú hulin “helladrullu” á ný. Óheimilt er að fara í hellinn nema með leyfi Hellarannsóknafélags Íslands.
Vífilstaðahellir, Urriðakotshellir og Draugahellir @ 30.01.2003
Sagnfræðirannsóknir Ómars Smára Ármannssonar hafa leitt í ljós að nafngiftin Maríuhellar á hellaþríeykinu vestast í Heiðmörk er nýnefni. Áður hétu hellarnir þrír sem nú er löngum kallaðir Maríuhellar: Vífilstaðahellir, Urriðakotshellir og Draugahellir.
Hulduhellir í Hallmundarhrauni @ 29.01.2003
Síðustu daga hefur félagið verið í sambandi við Chris Wood hellafræðing við háskólann í Bournemouth vegna skipulagningar leiðangurs hingað til lands næsta sumar. Chris kortlagði nokkra helstu hraunhella landsins á árunum 1972-1976 auk þess sem hann stóð fyrir rannsóknarleiðöngrum hingað til lands árin 2000 og 2001 en þá dvaldi hann í skálanum við Miklafell í Skáftáreldahrauni með stórum hópi hellamanna og stúdenta. Auk þess dvaldi leiðangurinn um skeið í Húsafelli og skoðaði meðal annars Stefánshelli með nýstárlegum mæliaðferðum.
Unnið er að skipulagningu leiðangurs í Hallmundarhraun í sumar og er ætlunin að finna áframhald Stefánshellis upp eftir hrauninu en smá bútur er þegar fundinn og eru jafnvel uppi ráðagerðir um að finna leið til að komast ofan í hellinn. Sem stendur er enginn inngangur þekktur, en holrýmið sést vel á mælitækjunum. Þessum nýja helli, framhaldi af Surtshelli-Stefánshelli er hér gefið vinnuheitið Hulduhellir og vísar nafnið til þess mikla frumskógar af dropsteinar og hraunstráum sem þarna kunna að leynast í myrkrinu auk þess að vísa í nafn finnandans.
Félagsfundur mánudagskvöldið 27. janúar 2003 @ 29.01.2003
Sex hellamenn ræddu undirheimamál á almennum félagsfundi á mánudagskvöldið. Væntanlegur leiðangur Chris Wood var til umræðu sem of starfið framundan. Þá voru skoaðar hellamyndir og rætt um lokun nokkurra viðkvæmra hraunhella.
Hraungangur í Stóravítishrauni @ 29.01.2003
Fréttir hafa borist HRFÍ af nýjum helli. Sá er í Stóravítishrauni … skammt sunnan við Litla-Víti og Stóra-Víti í Þeistareykjabungu sem jafnvel er talið stærsta hraun sem runnið hefur á Íslandi eftir að ísaldarjökulinn leysti. Hellirinn fannst fyrir fáeinum árum og er að mestu ókannaður … nokkur göt eru í hellinn … sum stór en önnur lítil … hann er sagður stór og mikill … miklar hvelfingar á milli þrengri hellisbúta … menn í smalamennsku fóru þarna inn eitthvað 100 metra og sneru þá við … hellinum var gefnið nafnið Hraungangur … og er eftir því sem best er vitað eini hellirinn sem vitað er um í þessu stærsta hrauni á Íslandi … Ásbyrgi er t.d. grafið í þetta hraun.
Verndun hella, upplýsingar frá NSS – @2.1.2003
Bandarísku hellasamtökin, NSS, reka virkt verndunarprógram. Á vef samtakana (www.caves.org) má nálgast upplýsingar um verndun og fleira sem tengist hellamennsku. Speleo.is sótti þrjár greinar af vef NSS sem tengjast verndun:
- Discovering Caves, Fragile underground
- Discovering Caves, Lava Tubes
- The NSS Guide to Responsible Caving
FERLIR: Arnarseturshraunshellar – @2.1.2003
Hér kemur lýsing FERLIRs manna á leiðangrum í Arnarseturshraunshella. Með fylgja GPS punktar og gróft kort af svæðinu. [Greinin í heild]
Íshelladeild HERFÍ kannar Eyjabakkahelli – @2.1 2002
Annan í jólum síðastliðinn hélt Íshelladeildin einbíla inn að Eyjabakkajökli til að kanna Eyjabakkahelli. Haldið var frá Egilsstöðum kl. 13:00 og farið austan Snæfells inn eftir Eyjabökkum. [Greinin í heild]
Lascaux í Frakklandi @ 15.12.2002
Þessi hellir fannst 1940, þegar stórt tré féll til jarðar, jarðvegurinn rifnaði upp og í ljós kom lítið op. Í hellinum eru 17.000 ára hellaristur sem hafa verið rannsakaðar af fornleifafræðingum og þykkja mjög merkilegar. Fram til 1955 heimsóttu 1200 manns hellinn á dag. 1963 var hellinum lokað, vegna þess að stöðugur straumur ferðamanna í hellinn olli því að koltvísýringur, sem þeir öndugu frá sér, jók sýrustig vatnsrakans í hellinum. Myndirnar þoldu ekki þessa breytingu og tóku að dofna. Eftir að hellinum var lokað minnkaði koltvísýringur í hellinum og myndirnar náðu sinni fyrri skerpu. Á heimsíðu Lascaux má lesa um þennan merka helli og sjá myndir frá honum.
Met Grotto – hellaklúbbur í New York @ 11.12.2002
Dagbókarfærsla frá 5.12.2002 um hellaskiptinema hafði áhrif út fyrir landssteinanna. Í dag hafði sambandi við vefstjóra tengliður frá Met Grottu, hellaklúbb í New York – USA, en þeir eru að leita eftir samstarfi við hellamenn utan USA og hafa í huga að koma á hellamannaskiptum. Er netið ekki frábær miðill. Vefurinn mun greina betur frá þessu á næstu vikum. Sjá heimasíðu Met Grotto.
Brennisteinsfjöll @11.12.2002
Í enda nóvember héldu Björn Símonarson, James Begley og Jakob Þór Guðbjartsson í hellaleit í Brennisteinsfjöllum. Bílnum var lagt við bílastæðið hjá Leiðarenda, undir Lönguhlíð, og heiðin gengin í suður í átt að Kistufelli. Björn Símonarson leiddi hópinn enda sá eini í hópnum sem hefði unnið heimavinnuna sína og vissi upp á hár hvar best væri að leita. [Greinin í heild]
FERLIR-477: Hamrabóndahellir @ 8.12.2002
Enn og aftur var gerð leit að Hamrabóndahelli nálægt Eldvörpum. Samkvæmt lýsingu Helga Gamalíassonar frá Stað, sem nú er um sjötugt og sá hellinn er hann var á fermingaraldri er hann var á ferð með föður sínum og bróður á leið upp frá Húsatóttum að Þórðarfelli, á hellirinn að vera á sléttu hraunssvæði norðan við Sundvörðuhraun skammt austan við Eldvörp. Leitað var gaumgæfulega á svæðinu á meðan birtu naut, en allt kom fyrir ekki.
Næst þegar farið verður á svæðið verður leiðin, sem farin var á sínum tíma, gengin í fylgd Helga. Þá verður gengið frá Sundvörðuhrauni á móts við Sundvörðuna og slóðanum fylgt að hraunkantinum þar sem hann endar utan í Sandfellshæð. Gamli slóðinn sést ágætlega í hrauninu þrátt fyrir tilkomu nýja vegarins út í Eldvörp. Vitað er að hellirinn er í lægð skammt frá slóðanum og á opið að snúa á mót suðri. Bræðurnir höfðu hlaupið frá dráttarvélinni þegar hlé var gert á akstrinum og þá séð hellisopið. Hlaðið er fyrir það og er dyragatið reglulegt. Hellirinn var notaður af bóndanum á Hamri er hann skyrraðist við hreppstjórann á Húsatóttum er meinaði honum fjörubeit. Hamrabóndi fór þá með sauði sína inn á hraunið og fóðraði þá þar um veturinn. Alls ekki er útilokað að nýi Eldvarparvegurinn hafi verið lagður yfir hellisopið – annað eins hefur gerst í vegagerð hér á landi.
FERLIR-466: Hellar í kringum Kaldársel @ 8.12.2002
Hér er lýsing frá FERLIR á gönguferð um Kaldárselslandið. Eftirfarandi staðir voru skoðaðir: Lambagjá – Helgadalur – Níutíumetrahellir – Vatnshellir – Rauðshellir- Hundraðmetrahellir – Fosshellir – Valaból – Músarhellir. [Greinin í heild]
FERLIR-468: Undirhlíðar – Aðalhola – Aukahola @ 8.12.2002
Gengið var frá Krýsuvíkurvegi eftir slóða til austurs með Undirhlíðum í áttina að skógræktarsvæði, sem þar er ca. tvo/þriðju að Bláfjallavegi. Björn Hróarsson leiddi hópinn. Gengið var framhjá Markragili og að skógræktinni. Þar austan við, undir hlíðunum, hefur nú vaxið mikill greniskógur. Mikil og falleg gil eru í hlíðunum. Við horn girðingarinnar tók Björn örugga stefnu til norðurs yfir mosahraun að hraunhrygg, sem liggur þarna samhliða hlíðunum. Norðan við hrygginn eru tvær djúpar holur, Aðalhola. Hún er um 17 metra djúp. Farið var niður í eystra gatið með aðstoð bands. Aðalhola virðist vera gjá, sem hraun hefur runnið niður í, líkt og Ginið. Þegar komið er niður má sjá fallegar rauðleitar hraunmyndanir. Þunnt hraunið hefur smurt gjáveggi og myndað gúlpa og jafnvel hraunsúlur hér og þar. Hægt er að fara spölkorn inn eftir gjánni til austurs. Þar inn inni er einmitt falleg hraunsúla. Á leiðinni þangað inn sést hvar hrjúfur seigfljótandi hraunfoss hefur runnið niður frá lofti og myndað hraundellur undir. Sepamyndaðir veggirnir þar eru sérstaklega fallegir á að líta. Til vesturs má sjá lengra niður og inn í stærra rými. Fyrir neðan opið er gat lengra niður. Með aðstoð bandsins var farið þar niður. Þaðan er hægt að fara inn í stærra rýmið vestar, en opið er upp úr því um vestara gatið.
Aðalhola er fallegt jarðfræðifyrirbrigði. Aukahola er annað gat þarna skammt frá. Holan, sem er um 10 metra djúp, er svipuð Aðalholu, en minni í sniðum. Ekki var farið í hana að þessu sinni.
FERLIR-457: Grindavíkurhellir, Nían, Húshellir og Guðbjargarhellir @ 8.12.2002
Heimamönnum var mætt við sundlaugina og gengið þaðan undir leiðsögn þeirra austur með Stamphólsgjá. Að sögn Erlends Einarsson mun gjáin áður fyrr hafa náð svo til upp í gegnum Járngerðarstaðahverfið. Hún hafi verið fyllt meira og minna, enda komin undir íbúðabyggð, en áður fyrr hafi hún verið með þaki hluta leiðarinnar. Í botni gjárinnar hafi verið vatn á köflum. Skoðað var gat efst í gjánni. Þar niðri er hægt að komast niður í hana og eftir henni, bæði til vesturs og austurs. Ekki er ólíklegt að ætla að Grindavíkurhellir hafi verið í Stamhólsgjá, jafnvel þarna sem gatið er núna. Það verður kannað betur síðar. Tiltölulega auðvelt er að komast þarna niður, en rusl hefur safnast fyrir á botninum. [Greinin í heild]
Hellaskiptinemar @ 5.12.2002
Vefnum barst til eyrna að NSS (hellasamtök í Bandaríkjunum) eru með skiptiprógram við Úkraínu. Þarna eru hellamenn að flakka á milli og miðla af reynslu sinni um sitt heimasvæði. Hvernig væri fyrir okkur að gera svona?
Hér að neðan er texti, tekin af netinu, sem segir hvað hér er á ferð:
The Ukrainian American Youth Caver Exchange Foundation, in cooperation with Western Ukraine’s Ternopol-Podilskyi Caving Club, seeks to both foster relationships between the caving communities of both America and Ukraine, and to promote the exchange of speleological related information between both countries with an emphasis on exploratory, cartographic and vertical techniques and skills. In pursuance of its goals the UAYCEF operates a student exchange program, and leads annual trips to both Western Ukraine, home of the world’s giant horizontal gypsum caves, and Crimea, an area well known for it deep limestone pits. Local cavers from the Kiev and Ternopol areas join trip participants on their explorations and provide instruction in Eastern European Rebelay Techniques on all Crimea trips. To date there have been seven expeditions to the Ukraine, with occasional side trips to Russia, which included a total of 22 participants from the US and United Kingdom. In addition, a total of six youngsters have benefited from the UAYCEF’s student exchange program. The international caving community also has benefited from the UAYCEF: not just from its annual trips and student exchange program, but from such other activities as; the introduction of SCT (Single Cable Technique) to the U.S., publication of journal articles, Convention and Grotto presentations, conduction of vertical rebelay workshops, and the development of new and unique ascending, descending, and safety systems and devices.
Endurfundir í Selvogi – @ 1.12.2002
Hraunhellar í Selvoginum eru fjölmargir, flestir stuttir, og notkun þeirra helst beinst að fjárgæslu. FERLIRs menn hafa lengi leitað að einum ákveðnum helli í Selvoginum, en sögusagnir eru um langa hraunrás inn af honum. Í einni af gönguferðum FERLIRs var gengið á helli sem haldið var að væri hin eini sanni. Hleðslur eru í hellinum og mikil mold á gólfum. Eftir ítarlega leit að framhaldi og vangaveltur, veittu þeir því athygli að gólfið í hluta hellisins var mjög frábrugðið því sem sást annars staðar. Eftir að hafa rótað nokkrum steinum burt, þótti ljós að þetta væri framhald, en hversu stórt vissi enginn. Ekkert var gert meira í þessari ferð. Það var svo ekki fyrr en í dag sem sex hellamenn frá HERFÍ héldu í Selvoginn með kúbein, járnkalla og kaðla, sem sannleikurinn kom í ljós. [Greinin í heild]
Höhle heimsókn til Þýskalands – @27.11.2002
Hellarannsóknir og skoðunarferðir eru stundaðar um allan heim, hvort sem um er að ræða í ís, kalksteini eða hraunum. Um miðjan október hélt ungliðadeild Hellarannsóknarfélagsins á vit ævintýranna til Þýskalands, þar sem freista átti þess að fá kalksteinsleir í hellagallann. Arne Bahrke, góðvinur HERFÍ, notaði sambönd sín í þýskalandi til að koma ungliðadeildinni í kynni við þýska hellamenn á Frankfurt svæðinu. Ferðin var styrkt af BM Vallá og kann ungliðadeildin þeim góðar þakkir. [Greinin í heild]
Hrossabeinshellir – CaveX @27.11.2002
CaveX skráin fyrir Hrossabeinshelli á Snæfellsnesi hefur verið uppfærð. Hellirinn er enn ekki fullkannaður, og óvíst hvort að hann verður allur kortlagður vegna þrenglsa og hruns í þeim hluta sem er ókannaður.
Umgengni í Snjóhelli @19.11.2002
Helgin 9-10 nóvember. Nokkuð ljóst er að fleiri og fleiri nýta sér hellana á Snæfellsnesi, sér til dægrastyttingar og almennrar andlegrar og líkamlegrar upplyftingar, og er ekkert nema gott um það að segja. Umgengni um íslenska hella hefur oft á tíðum verið mjög slæm og væntalega helgast af vanþekkingu og virðingarleysi við hellana sem náttúruundrum. Ferð í Snjóhelli um daginn sýndi okkur James að umgengnisvenjur hellaskoðara eru ekki að batna, þó manni langi mjög til að halda það. Inni í hellinum fundum við 40 sprittkeri, hálfbrunna kyndla, 15 sígarettustubba, 1 kveikjara, 1 skothylki og svart límbandsdrasl dreift um hellinn. Greinilegt var að stór hópur fólks hefur viljað eiga góða stund í hellinum og notað kertaljós til að búa til seiðandi birtu. Allt gott um það að segja, en við förum fram á að fólk gangi vel um hellana.
Vinnuferð á Snæfellsnesið @19.11.2002
Enn og aftur höldum við James Begley á Nesið í þeirri von að nú takist okkur að klára að kortleggja hellana ofan við veg í Purkhólahrauni. Lagt var af stað á laugardagsmorgni og stefnan sett á Hellissand en þar ætluðum við að hitta Skúla Alexandersson, fyrirverandi þingmann og hellaáhugamann. Í rjómablíðu renndum við upp að gistiheimilinu Gimli þar sem Skúli beið okkar. Sem áhugamaður um hellarannsóknir fylgdi hann okkur að Purkhólahrauninu. Á leiðinni benti hann okkur á Eyvindarholu og annan helli rétt sunnan við, en þetta munu vera einu hellarnir sem þekktir eru ofan vegar, vestan megin jökuls. [Greinin í heild]
FERLIR-478: Hreiðrið – Kaðalhellir – Gjáahellir @19.11.2002
Haldið var að Kaldárseli. Hraunið, þar sem það er hæst, á milli vegarins með Sléttuhlíð og með Fremstahöfða, heitir Gjár. Vestarlega í því er Gjáahellir. Gengið var að honum. Opið er nokkuð rúmgott. Fyrir innan blasir við rúmgóð hraunrás. Hún lækkar svolítið eftir að komið er inn, en hækkar og vítkar síðan á ný, uns hún endar. Þessi hluti rásarinnar er um 15 metrar. Mold er í botninum og grjótið hefur verið lagað til innan við munnann. [Greinin í heild]
FERLIR-454 – Hellar við Selvogsgötu og fréttir frá Kili – @27.10.2002
Gengið var frá Sléttuhlíð upp að Selvogssgötu undir Smyrlabúðahrauni. Þaðan var gamla gatan gengin niður að Kershelli. Stór varða er á suðvesturbrún hans. Farið var niður í hellinn og hann skoðaður hátt og lágt. Hann liggur til vesturs úr jarðfallinu, um 40 metra langur. [Greinin í heild]
Breiðabáshellir í Herdísarvík – @27.10.2002
Fjórir vaskir hellamenn fóru með Ómari og Eyjólfi (FERLIR) í hellaferð í Herdísarvíkina fyrir nokkru síðan. Planið var að skoða og athuga hvort að nýfundinn hellir væri hinn eini og sanni Breiðabálshellir. Breiðabáshellir þessir á að vera stór megintúba, vel manngeng og stórglæsileg, eða það segja öldungarnir sem sátu yfir fé þarna á svæðinu. [Greinin í heild]
Vinnuferð á Nesið, ný uppgötvun – @27.10.2002
Helgina 26-27 október héldu þeir James og Jakob á Nesið í vinnuferð. Stefnan var sett á að kortleggja eins marga hella ofan við veg í Purkhólahrauni og möguleiki væri á. [Greinin í heild]
FERLIR-456 – Ginið hið fræga – @27.10.2002
Gengið var að Gininu. Með FERLIRsfólki í för var þjálfað sigfólk frá Björgunarsveit Hafnarfjarðar, Ásdís Dögg og Jón Árni.
Ginið reyndist um 20 metra djúpt og mestanpartinn lóðréttir klettaveggir. Sjálft gatið er um fjórir metrar á breidd og um átta metrar á lengd. Opið er í jarði þunnfljótandi helluhrauns, sem hefur runnið þarna á tiltölulega afmörkuðu svæði. [Greinin í heild]
FERLIR-453 – Fosshellir og fleira – @27.10.2002
Farið var að Sandfelli við Þrengslaveg undir röggsamri stjórn JS, vestur yfir Þúfnavelli og vestur með norðanverðu Geitafelli. Ekki var látið staðar numið fyrr en komið var að slóðaenda við vesturhorn fellsins, ferð sem Meðaljón á minna en 38″ hefði ekki treyst sér í. [Greinin í heild]
Symposium, part II – @22.10.2002
Myndir frá John Brush komnar á vefinn, sjá hér.
New pictures from John Brush are here.
Symposium – @13.10.2002 [summary]
Myndir frá John Pint (Saudi Arabíu), Yuzo Kobori (Japan) og Greg Middleton (Tasmaníu) hafa verið settar á vefinn undir “Myndir”.
FERLIR-433: Breiðabáshellir – Breiðabásfjárhellir – @13.10.2002 [summary]
Haldið var að Herdísarvík. Fengist höfðu greinargóðar upplýsingar um týndan helli þar austan við, en hann á að ná frá Breiðabás upp í mitt Mosaskarð í Herdísarvíkurfjalli. Ef það reynist rétt gæti hellirinn verið um 800 metra langur. Sagnir eru til um að vinnumaður í Herdísarvík hafi eitt sinn farið inn í hellinn og en villst þar inni í sjö klukkustundir. [Greinin í heild]
FERLIR-430: Kúluhattshellar – ný rás – @13.10.2002
Gengið var frá Geitafelli á móts við Stórahvamm. Þaðan voru 3.4 km upp í “Kúluhattshella” ofan við Guðrúnarbotna í Heiðinni há. Ætlunin var að skoða þá betur. Svarta þoka var á svæðinu svo varla sást út úr augum. Auk þess var stormur af suðaustan. Hver Meðaljón hefði ekki talið þetta árennilegt, en FERLIRsfólk, sem er vant miklum hitum á ferðum sínum, tekur andblæ sem þessum fagnandi. Og eftir að hafa sett upp FERLIRshúfur virtist þokunni hafa verið svipt burt. Þá var ekkert í veginum að leggja af stað. Gengið var þvert á Guðrúnarbotnana og á heiðina. [Greinin í heild]
Ráðlagðar hellaferðir – @13. 10.2002
Nú geta hellaáhugamenn glaðst, því búið er að setja lesefni um ráðlagðar hellaferðir á vef HERFÍ. Fyrir þá sem eru að byrja í sportinu er þessi texti góður stökkpallur. HERFÍ getur svo veit frekari upplýsingar þegar þessir hellar hafa verið skoðaðir. [Textinn í heild]
Tveggja áfyllinga ferð – @6.10.2002 [summary]
Laugardaginn 5. okt hélt undirritaður út í Krýsuvík, ásamt þeim Geir Alta Zoëga, Sigurjóni Svavarssyni, James Begley og tveimur börnum Geirs. Planið var að halda áfram með kortlagningu Bálkahellis og kanna opin sem við James fundum seinustu helgi. [Greinin í heild]
FERLIR-426: Grindaskörð og Kistufell – @6.10.2002
Í þessari ferð FERLIRs ganga þeir upp Grindaskörð, áleiðis til Kistufells, og skoða á leiðinni nokkra hella og niðurföll. Fæstir þeirra eru stórir, en svæðið bíður engu að síður upp á hellafundi. Væntanlega eru margir enn ófundnir. [Greinin í heild]
FERLIR-420: Kúluhattur við Geitafell – @6.10.2002
Gengið var frá Sandfelli eftir slóða, vestur yfir grassléttu austan Geitafells og áfram eftir slóðanum vestur með norðanverðu fjallinu. Norðan og ofan við Geitafell er gróið hraun og því auðvelt yfirferðar. Með í för var m.a. einn helsti hellafræðingur landsins. [Greinin í heild]
Krísa í Krýsuvík! – @29.9.2002
Hellagallinn var rifinn úr hillunni, hent ofan í bakpoka, og á eftir komu karbúttækið og mæligræjur. Stefnan var set á Bálkahelli í Krýsuvík, en hann átti að kortleggja. James Begley var sá eini sem sá sér fært að koma með í þennan leiðangur og því héldum við tveir á Rangernum eftir nýhefluðum veginum framhjá Kleifarvatni og niður í Krýsuvík. [Greinin í heild]
FERLIR-423: Selvogsheiði – @28.9.2002
FERLIRs meðlimir halda í þessari gönguferð á vit ævintýranna á Selvogsheiði. Nokkrir hellar eru skoðaðir og velkist engin í vafa um að hraunhellar á svæðinu hafa verið vel nýttir af forfeðrum okkar. Með í för FERLIRs var framkvæmdastjóri suðurlandsdeildar Hellarannsóknafélags Íslands, Guðmundur B. Þorsteinsson (Bibbi). [Greinin í heild]
Rafbókin Vertical eftir Alan Warild – @25.9.2002
Eiginkona Alans Warild, höfundar hellabókarinnar Vertical, gaf Hellarannsóknarfélaginu eintak af bók húsbónda síns. Hér er á ferð rafbók sem tekur á öllu því sem viðkemur lóðréttum aðstæðum í hellum: Tryggingum, búnaði, hnútum, niðurleið, uppleið, mistökum og fleira. Áhugasamir hafið samband við Jakob í geokobbi@hotmail.com .
Lofthellir – @25.9.2002
Vefstjóri er búinn að bæta við mörgum myndum úr Lofthelli sem Guðmundur B. Þorsteinsson (Bibbi) tók í seinustu viku. [Sjá myndir]
FERLIR: Eftirmálar Snorra-leiðangurs – @23.9.2002
Ræddi við Snorra smala og þakkaði honum fyrir upplýsingar. Hann sagði mér þá frá tveimur jarðföllum öðrum, sem hann hefur rekist á og séð hraunrásir í. Annað rakst hann á fyrir nokkrum dögum, en hafði ekki séð það í mörg ár og var búinn að gleyma því. [Greinin í heild]
FERLIR-415: Jarðfall austan Geitahlíðar og Slóðaketill – @22.9.2002
Farið var aftur inn í hraunið austan Geitahlíðar til að leita að Snorra, jarðfalli sem upplýsingar höfðu fengist um að ætti að vera þar inni í hrauninu. Smali hafði gengið frá Vörðufelli í gegnum mosahraun, komið að grasbrekkum neðan við Melhóla og haldið áfram til suðvesturs að geilinni á Geitahlíð ofan við Sláttudal. Austan Geitahlíðar eru allnokkrir eldgígar og eldborgir. Vestara hraunið hefur runnið til vesturs og niður í Kálfadali, en eystra hraunið hefur runnið til austurs og niður með austanverðri Geitahlíð vestan Sláttudals. Um er að ræða mikil hraun. Smalinn hafði á leið sinni gengið fram á mikið jarðfall, sem birtist fyrirvaralaust framundan í hrauninu. Yfir jarðfallið átti að vera falleg steinbrú. [Greinin í heild]
Vinnuferð á Nesið – @22.9.2002
Helgina 21-22 sept. fór Jakob Þ. Guðbjartsson í vinnuferð á Snæfellsnesið. Tilgangur ferðarinnar var að skoða neðri hluta Purkhólahrauns, en í síðustu ferð á Nesið fundust margir mjög athyglisverðar hraunmyndanir á þessu svæði. Á Nesinu voru fyrir Chris Wood, Greg Middleton og James Begley og tóku þeir þátt í þessari vinnuferð að hluta. [Greinin í heild]
Nokkrar myndir frá ráðstefnunni – @22.9.2002 [summary] 
“Post-symposium” ferð norður í land – @22.9.2002
Eftir ráðstefnuna var boðið upp á þriggja daga ferð um hálendi íslands. Í þessa ferð fóru sextán manns. Hér stikklar Sigurður S. Jónsson, formaður Hellarannsóknarfélagsins, á helstu viðburðum ferðarinnar. [Greinin í heild]
4. dagur ráðstefnunar – @22.9.2002
Nokkuð er síðan að 4. dagur ráðstefnunar fór fram, en sökum anna vefstjóra hefur ekki gefist tími til að skrifa yfirlit fyrr en nú. Helst bar til tíðinda að Azor-eyingarnir voru atkvæða miklir og fjölluðu um hellamennsku í víðum skilningi þess orðs; gagnagrunnar, hella-project í “Torres cave” og flokkun hella var helst á dagskrá þeirra. [Greinin í heild]
FERLIR-410: Hellaferð – @22.9.2002
Ferlir halda áfram kanna hella á Reykjanesinu og í þetta sinn kemur leiðarlýsing frá Stakkavíkurfjalli. [Greinin í heild]
Mexíkanska leðurblakan í útrýmingarhættu – @12.9.2002
Leðurblökur eru íslenskum hellamönnum óþekkt fyrirbæri. Lupita Vizcarra skrifar í Subterraneo á vef Mexíkanska hellaklúbbsins Zotz um leðurblökur og þá helst mexíkönsku leðurblökuna sem er í útrýmingarhættur. [Lesið greinina]
3. dagur ráðstefnunar – @11.9.2002
Í dag voru flutti fyrirlestrar. Athyglisverður var fyrirlestur Juliu James, en hún fjallaði um efnagreiningar á gösum í hraunhellum. Íslendingar þurfi ekki að hafa áhyggjur af slæmu lofti í hellum sem sökum nálægðar við yfirborð, lágs hitastigs og mikillar “öndunar” íslenskra hella. Julia sýndi gögn frá Undara hellasvæðinu í Ástralíu, en þar hefur súrefnismagn mælst 16% sem er 5% lægra en í andrúmsloftinu. [Greinin í heild]
2. dagur ráðstefnunar – 10.9.2002
Eiginleg dagskrá ráðstefnunar hófst í dag í grenjandi rigningu. Tuttugu og sex ráðstefnugestir, frá níu þjóðlöndum, héldu á vit ævintýranna undir styrkri leiðsögn Hauks Jóhannessonar, jarðfræðings, en Haukur hefur víðtæka þekkingu á eldfjallafræði og hefur verið höfundur eða meðhöfundur af flestum þeim vísindagreinum sem snúa að almennri jarðfræði Íslands. [Greinin í heild]
Dægurmálaútvarpið – @9.9.2002
Sigurður Sv. Jónsson, formaður Hellarannsóknarfélags Íslands, var kallaður inn á teppið hjá Dægurmálaútvarpi allra landsmanna, Rásar 2. Þar fjallaði hann um hellamennsku í víðum skilningi þessa orðs og kynnti hraunhellaráðstefnu sem nú stendur yfir í Reykjavík. Hann var spurður hvaða hellir væri flottastur á Íslandi og ekki stóð á svari, jú auðvitað G-2 (sjá hér að neðan).
FERLIR-401: Bláfjallahellar – @9.9.2002
Ætlunin var að skoða hellana í Strompahrauni vestan Bláfjalla. Hellarnir eru norðan undir svonefndum Hellisgíg, sem er nyrstur Strompanna. Skoðaðir voru 10 hellar. [Greinin í heild]
FERLIR-402 – @9.9.2002
Krýsuvíkurhellir – Arngrímshellir – Bálkahellir – neðsta gat
Farið var frá Bergsendum að Krýsuvíkurhelli. Hellirinn var skoðaður á ný. Mannvistarleifar eru bæði ofan við hellisopið og niðri í hellinum sjálfum. Þar er hlaðið skjól. Innan við það liggur rás út að gömlu bjargbrúninni og opnast þar út. Rásin er um 30 metra löng. Út um gatið er hægt að skoða bergið fyrir neðan. Til hliðar, innan við opið, er önnur rás, sem liggur um hraunssúlu og opnast yfir í hina efst í henni. Mikill steinbekkur er framan við súluna, sem skipt hefur hraunstraumnum um rásirnar. [Greinin í heild]
“VÁ” – leiðangur í G-2 – @7.9.2002 [summary]
Orðaforði íslenskrar tungi hefur ekki yfir að ráða þeim lýsingarorðum sem til þarf þegar helli eins og G-2 er varpað á blað. Í viðleitni minni til að lýsa því sem fyrir augu okkur Francesco bar, minni ég á að allar lýsingar í þessari dagbókarfærslu má margfalda með 10 ef þú lesandi góður átt að geta fengið beint í æð það sem við félagarnir sáum með berum augum. [Greinin í heild]
Gin og tónik – Hellaferð á Reykjanes – @4.9.2002
Eftir fund Ginsins hafa félagar HERFÍ iðað í skinnina og beðið þess ólmir að berja undrið augum. Af þessu varð í dag. Föngulegur hópur hellaáhugamanna, undir leiðsögn Ómars Smára, þrammaði um Hrútagjárdyngjuna með það eitt að markmiði að skoða 2 “nýja” hella og einn vel þekktan. [Greinin í heild]
Hellarannsóknir undir Eyjaföllum – @1.9.2002 [summary]
Hellarannsóknir taka á sig hinar ýmsu kynjamyndir. Hér á landi er staddur vestur-íslenskur fornleifafræðingur, Kristján Ahronson, en Kristján er í doktorsnámi við Edinborgarháskóla í Skotlandi og hefur mikinn áhuga á móbergshellum. [Greinin í heild]
FERLIR sækja í sig veðrið – @28.8.2002 [summary]
Vefnum voru að berast fréttir um nýjan hellafund. Vinnuheiti hellisins er Ginið. Um er að ræða 7 m gat í ummál og 12-15m djúpt. Ekki sáust greinileg merki um framhald og því spennandi að sjá hvað drífur á daga félaga í HERFÍ þegar til atlögu verður ráðist. Ginið er staðsett; norður af Hrútagjárdyngju, hérna rétt fyrir utan Hafnarfjörð, við gígaröð rétt hjá Sauðabrekkugjá. Vefurinn mun færa nánari fréttir af þessum fundi um leið og þær berast.
Könnunarleiðangur á Reykjanesið – @16.8 2002
Á Reykjanesi eru þekktir fjölmargir hraunhellar og enn bætist í safnið. Gönguhópurinn FERLIR (Ferðahópur rannsóknardeildar lögreglunnar í Reykjavík), sem Ómar Smári Ármannsson leiðir, hefur gengið fram á mörg op á ferðum sýnum um Reykjanesið og nú var komið að því að sýna hellamönnum djásnin. [Greinin í heild]
Frá vefstjóra – @12.8.2002
Nýjar myndir hafa verið settar inn á vefinn, skoðið
Um ævintýri Björns Hróarssonar – @1.8-5.8.2002
Útbrunnahellir hefur verið mokaður upp og heimsóttur í fyrsta sinn síðan 1969. [Greinin í heild]
Hellaferð á Snæfellsnesið – @26.7 til 28.7 2002
Nú um helgina fóru Jakob og James í hellaleiðangur á Snæfellsnesið. Tilgangurinn var að leita að hellum í Purkhólahrauninu. [Greinin í heild]
Árnahellir friðlýstur – @24.7.2002
Sá merki atburður átti sér stað í dag að Árnahellir í Leitarhrauni var friðlýstur. Undirbúningar að friðlýsingunni hefur staðið yfir í nokkur ár, en til að friðlýsing geti átt sér stað þarf formaður Hellarannsóknarfélags Íslands, Umhverfisráðherra og forstöðumaður Náttúruverndar ríkisins að leggja blessun sína yfir gjörninginn. Undirritun fór fram í opi Árnahellis að viðstöddu fjölmenni. Árnahellir fannst árið 1985 af Árna B. Stefánssyni, meðlim í Hellarannsóknarfélaginu, og er annar hellirinn á Íslandi til að verða friðlýstur, en hinn er Jörundur í Lambahrauni. Árnahellir er um 150metra langur og liggur á um 20 metra dýpi. Í Árnahelli eru miklar breiður af hraunstráum og dropsteinum og er sem um steingerðan frumskóg að horfa inn eftir hellinum.
Við sama tilefni var undirritaður samningur milli Náttúruverndarinnar og Hellarannsóknarfélagið þess efnis að félagið taki að sér umsjón, ráðgjöf og eftirlit með friðlýstum hraunhellum og hraunhellum á friðlýstum svæðum.