Hellarannsóknafélagið ætlar í mokstursferð í Búra Laugardaginn 14. apríl.
Ferðir eins og þessar eru gríðarlega erfiðar þar sem það á að moka ofan í svelgnum í Búra við mjög erfiðar aðstæður. Áætlaður ferðatími er amk 10-12 klst.
Einnig er áætlað að skoða aðstæður til moksturs í Gjögri.
Ath. viðbúið er að það þurfi að færa dagsetninguna eitthvað á þessarri ferð. Ný dagsetning verður kynnt fljótlega.
Aðalfundur Hellarannsóknafélagsins verður haldinn mánudaginn 26. mars, kl. 20. Miðbergi við Gerðuberg eins og áður. Á dagskrá verða hefðbundin aðalfundarstörf auk annarra mála. Það er liðinn svolítill tími frá síðasta fundi þannig að vonandi verður hægt að safna saman góðum mannskap svo hægt verði að ná upp einhverjum umræðum um komandi hellaverkefni á næstu vikum og með sumrinu. Veltur þetta allt á því hversu mikinn kraft og áhuga menn hafa.
9. september síðastliðinn fóru þrír félagar úr Hellarannsóknafélaginu í Þríhnúkagíg. Þetta voru þeir Björn Símonarson, Guðni Gunnarsson og Martin Gasser. Ferðin tók alls 17 klukkustundir.
Hér eru nokkrar myndir úr ferðinni:
Laugardaginn 9.júní stefnum við á að fara í Brennisteinsfjöll í þeim tilgangi að leita að hellisopi sem fannst fyrir nokkrum árum en týndist síðan aftur og hefur ekki enn fundist. Gatið er mjög lítið og sést ekki nema staðið sé alveg við hliðina á því. Það er á sléttri hraunhellu og er um 15 metrar á dýpt. Vonumst við til að geta safnað saman a.m.k 7 félagsmönnum í ferðina svo auðveldara verði að finna gatið.
Hellarannsóknafélagið vill senda aðstandendum Chris Wood samúðarkveðjur en hann féll frá í síðasta mánuði.
Hann var gríðarlega mikilvægur í íslenskum hellarannsóknum og átti hann marga vini hér á landi. Stóð hann til að mynda fyrir mörgum af stærstu og afkastamestu rannsóknum á íslenskum hellum frá upphafi.
Sælir félagar
Næsti fundur Hellarannsóknafélagsins verður haldinn mánudaginn 23. janúar í Miðbergi í Breiðholti.
Skorum á sem flesta að mæta og byrja nýtt hellaár með látum.